२०७६ फागुन १६
प्रेश विज्ञप्ति
‘‘भ्रष्टाचारी उपर निर्मम कारवाही होस’’
ट्रान्सपरेन्सी इन्टरनेशनल नेपाल, भ्रष्टाचार बिरुद्ध खबरदारी गर्ने नागरिक संस्था हो । नेपाल सरकारले भ्रष्टाचार बिरुद्ध सून्य सहनशिलताको नीति अपनाउने घोषणा गरे पश्चात नेपाली जनतामा केही आशाको संचार भएको थियो । तर लामो समय बित्न नपाउँदै कहिले मन्त्रिपरिषद्को नीतिगत निर्णयका नाममा त कहिले सरकार सरकारका बिचमा हुने खरिद सम्झौताका नाममा एक पछि अर्को हुदै पटक पटक अनियमितता र भ्रष्टाचारका प्रकरणले बर्तमान सरकारको भनाई र गराईमा सामन्जस्यता नदेखिएको अनुभूतिहुन थालेको छ ।
हालै मात्र सेकुरिटी प्रेश खरिद प्रकरणमा तत्कालिन बहालवाला मंत्री र दलालका बीचमा सत्तरी करोड भन्दा बढि रुपैया कमिशनको नाममा भ्रष्टाचार गर्ने बदनियतबाट बार्गेनिङ्ग भइरहेको श्रव्य सामाग्री प्रचारमा आएपछि सुशासन र समृद्धिको नारा दिइरहेको वर्तमान सरकारको विश्वसनीयता माथि समेत ठूलो प्रश्न चिन्ह खडा भएको छ । सम्माननीय प्रधानमन्त्रीज्यूको अति विश्वास प्राप्त मंत्रीबाटै नेपाली जनताको खुन पसिनाको कमाइबाट संकलित राजस्वको ठूलो रकम दलालसंगको मिलिभगतमा भ्रष्टाचार गर्न लागिएको दुष्प्रयासलाई गम्भीर अपराधको रुपमा लिइनुपर्दछ ।
अतः यस भ्रष्टाचार उद्योग प्रकरणमा संग्लग्न तत्कालिन मंत्री सहित अन्य मतियारहरुलाई कुनै पनि शक्ति केन्द्रको दवाव र प्रभावमा नपरी निष्पक्ष तथा निर्भिकता पूर्वक यथाशिघ्र कारवाही प्रकृया अगाडी बढाउन अख्तियार दुरुपयोग अनुसन्धान आयोग लगायत सम्बन्धीत निकायहरुको गम्भीर ध्यानकर्षण गराउछौं ।
खेमराज रेग्मी
अध्यक्ष
ट्रान्सपरेन्सी इन्टरनेशनल नेपाल
अध्यक्ष
ट्रान्सपरेन्सी इन्टरनेशनल नेपाल
Was this content helpful?
YesNo
